Կյանքից թանկ բանը

Կյանքից թանկ բանը

Վայրի աղավնին` կուրծքը վիրավոր,

Ընկել էր մենակ աղբյուրի եզրին,

Ծորում էր շիթ-շիթ արյունը բոսոր,

Մեռնում էր, աչքը` ջրի երազին:

Քնքուշ պարիկը տեսավ դալկահար

Մեռնող աղավնուն և խոսեց այսպես.

-Տուր ինձ այն, ինչ-որ թանկ է քեզ համար,

Էն թանկագինը, կյանք տամ իսկույն քեզ:

Մեռնող աղավնին խորհում է ինքնին.

-Էն թանկագինը կյանքն է անպատճառ.

Ա~խ, ծաղրում է ինձ աղբյուրի ոգին:

-Էհ լավ, թող լինի. տուր և նորից առ:

Պարիկը ցողեր սրսկեց վերքին,

Աղավնին բացեց աչքերը ոսկի,

Ու թևին տալով` ծափեց խնդագին.

-Ե՞րբ կուզես կյանքս, նազելի ոգի:

-Թևերդ կուզեմ, կյանքդ քեզ լինի:

-Թևե՞րս… ինչպե՞ս, օ~հ, երբեք, երբեք.

Առանց թռիչքի կյանքը գին չունի

Կյանքս առ,- թռչունն ասաց սրտաբեկ:

-Թռիր, սիրելիս, ազատ ու վայրի,

Թռիր ու ասա ստրուկ աշխարհքին

Թե ինչն է թանկը կյանքից ավելի…,-

Ասաց ջրերի լուսեղեն ոգին:

  1. Դո՛ւրս գրիր անծանոթ բառերը և բառարանի օգնությամբ բացատրի՛ր: շիթ֊հեղուկի կաթիլ, բոսոր֊մուգ կարմիր, դալկահար֊ գունատ, պարիկը֊հավերժահարսը, ծափեց֊ թևերը իրար խփեց, ստրուկ֊գերի, սրտաբեկ֊Սիրտը կոտրված՝
  2. Գրավոր բացատրի՛ր ջրի երազ, ստրուկ աշխարհ արտահայտությունները:ջրի երազ֊աչքը տեսնում է բայց չի կարող խմել,

ստրուկ աշխարհ֊միայն ծառաներից կազմված աշխարհ

  • Ո՞րն է առակի ասելիքը և ի՞նչ է սովորեցնում այն քեզ:

առակը սովորեցնում է, որ աղավնին նախընտրում է մեռնել, քան ապրել առանց

թևերի սողունի կյանքով

  • Դո՛ւրս գրիր հիմնական իմաստն արտահայտող տողերը:

Թևե՞րս տա՞մ… ինչպե՞ս, օ~հ, երբեք, երբեք.

Առանց թռիչքի կյանքը գին չունի