Ջաննի Ռոդարի
Կար-չկար մի տղա, որն ամբողջ օրը սրան-նրան ձանձրացնում էր իր հարցերով: Հարցեր տալն, իհարկե, վատ բան չէ, ընդհակառակը, հարցասիրությունը գովելի է, բայց վատն այն էր, որ այդ տղայի հարցերին ոչ ոք չէր կարողանում պատասխանել:
Ասենք, գալիս էր ու հարցնում.
— Ինչո՞ւ դարակները սեղան ունեն:
Մարդիկ զարմանքից աչքերը չռում էին, կամ էլ հենց այնպես պատասխանում.
— Դարակները նրա համար են, որ նրանց մեջ որևէ բան դնեն, օրինակ՝ սպասք, դանակ, պատառաքաղ և այլն:
— Ես գիտեմ՝ ինչի համար են դարակները, բայց ինչո՞ւ դարակները սեղան ունեն:
Մարդիկ թոթվում էին ուսերը և հեռանում:
Մի ուրիշ անգամ նա հարցնում էր.
— Ինչո՞ւ պոչը ձուկ ունի:
Կամ թե՝
— Ինչո՞ւ բեղերը կատու ունեն:
Տղան մեծանում էր, բայց շարունակում էր ինչուիկ մնալ, և այն էլ՝ ոչ թե սովորական, այլ՝ թարս ինչուիկ: Մեծանալուց հետո էլ նա դիմում էր բոլորին զանազան հարցերով: Պարզ է, որ ոչ ոք չէր կարող պատասխանել նրա հարցերին: Բոլորովին հուսահատվելով՝ թարս ինչուիկը տեղափոխվեց մի սարի գագաթ, իր համար խրճիթ շինեց և այնտեղ հնարում էր նոր-նոր հարցեր: Հնարում էր, գրում տետրի մեջ, իսկ հետո շատ էր չարչարվում, որ գտնի դրանց պատասխանները: Ամբողջ կյանքում նա այդպես էլ երբեք չգտավ իր հարցերի պատասխանները:
Եվ ինչպե՞ս գտներ, եթե նրա տետրում գրված էր. «Ինչո՞ւ ստվերը բարդի ունի: Ինչո՞ւ ամպերը նամակ չեն գրում: Ինչո՞ւ նամականիշները գարեջուր չեն խմում»:
Աստիճանաբար նրա մորուքն աճեց, մի երկա՜ր մորուք դարձավ: Հարցասերը չէր էլ մտածում այն սափրել. դրա փոխարեն նա նոր հարց էր հորինում. «Ինչո՞ւ մորուքը դեմք ունի»:
Երբ նա մահացավ, մի գիտնական ուսումնասիրեց նրա կյանքը և զարմանալի հայտնագործություն կատարեց. պարզվեց, որ այդ ինչուիկը սովոր էր գուլպաները թարսերես հագնել և այդպես էլ հագնում էր իր ողջ կյանքում: Հենց այդ պատճառով էլ մինչև վերջ չսովորեց ճիշտ հարցեր տալ:
Հապա նայիր քո գուլպաներին, ճի՞շտ ես հագել:
Հարցեր և առաջադրանքներ
- Դեղինով նշված բառերն առանձնացրո՛ւ և բացատրական բառարանի օգնությամբ բացատրի՛ր:
Թոթվել- թափահարել
Զանազան- Մեկը մյուսից տարբեր
Խրճիթ- Խղճուկ տուն
- Քո կարծիքով ինչո՞ւ էր Ինչուիկը տարօրինակ հարցեր տալիս:
Որովհետև նա գուլպաները ճիշտ չէր հագնում
- Քեզ համար ի՞նչն է ձանձրալի:
անիմաստ հարցեր լսել
- Փորձի՛ր պատասխանել Ինչուիկի հորինած հարցերին:
ա. — Ինչո՞ւ դարակները սեղան ունեն:
որ ծածկվեն վերևից և չերևա մեջինը։
բ. — Ինչո՞ւ ձուկը պոչ ունի:
որ ջրում լողա պոչը շարժելով
գ. — Ինչո՞ւ բեղերը կատու ունեն:
որպեսզի տեր ունենան
դ. — Ինչո՞ւ ամպերը նամակ չեն գրում:
որովհետև ջուր են բաժանում պատասխանելով ստացած նամակներին
ե. — Ինչո՞ւ մորուքը դեմք ունի:
որ գեղեցիկ լինի դեմքը
- Տեքստից դուրս գրի՛ր բարդ բառեր և օգտագործելով նրա մասերը՝ նոր բառեր կազմի՛ր:
Հարցասիրություն-հարց-հարցական, սիրել-սիրելի
Հուսահատվել-հույս-հուսալի, հատվել-գնահատվել
Տեղափոխվել-տեղ-այնտեղ, փոխվել-մտափոխվել
Նամականիշներ-նամակ-նամականի, նիշ-թվանիշ
Գարեջուր-գարի-գարիհաց , ջուր-ջրհոր
Ուսումնասիրել-ուսում-ուսումնական, սիրել-սիրասուն
հայտնագործություն-հայտ-անհայտ, գործ-գործազուրկ
թարսերես –թարս-թարսություն, երես- պնդերես, աներես։
- Դուրս գրիր ինչպիսի՞ հարցին պատասխանող ածականները:
Վատ, սովորական, թարս, զանազան, նոր-նոր, երկար, զարմանալի, ճիշտ
- Գտի՛ր գոյականները, նրանց հատկանիշներ՝ ածականներ ավելացրու:
Գրագետ տղա, ձանձրալի օր, հետաքրքիր հարց, գեղեցիկ հարցասիրություն, մեծ դարակ, լայն սեղան, համեղ ձուկ, բարակ պոչ, կապույտ աչքեր, գունավոր գուլպաներ, խելացի պատասխան։
Տարոն Կիրակոսյանի բլոգ 